"Dağlıq Qarabağ Avrasiya İttifaqına daxil olmayacaq"

"Dağlıq Qarabağın Ermənistan Respublikasının ərazisi olmadığı haqqında qeyd əlavə olunmuşdu"

Ölkə.Az-ın BELTA agentliyinə istinadən verdiyi xəbərə görə, bu gün Belarusun xarici işlər nazirinin birinci müavini Aleksandr Mixneviç bildirib ki, Dağlıq Qarabağ Avrasiya İqtisadi İttifaqına daxil olmayacaq. Mixeviç fikrini Ermənistanın ittifaqa qoşulması haqqında ratifikasiya müqaviləsi ilə əsaslandırıb.

"Biz Ermənistana daxil olmayan ərazislərin Gömrük İttifaqın qoşulub-qoşulmayacağı ilə narahatlıq keçirirdik. Erməni tərəfi bu tələb və xahişi anlayışla qəbul edib. Müqaviləyə Dağlıq Qarabağın Ermənistan Respublikasının ərazisi olmadığı haqqında qeyd əlavə olunmuşdu. Ermənistana rəsmi verbal müraciət etmək qərara alındı", - deyə nazir müavini bildirib.

O qeyd edib ki, Ermənistanın de-fakto olaraq Gömrük İttifaqı və gələcək Avrasiya İqtisadi İttifaqının üzvü olması üçün heç bir maneə yoxdur.

Rəşid Mustafazadə

Ölkə.Az