Saakaşvili: "Putini işə götürməyə hazıram"

Saakaşvili Liderlərin yeni beynəlxalq institutuna rəhbərlik edir.

Ölkə.Az "Rustavi-2" telekanalına istinadən xəbər verir ki, Gürcüstanın keçmiş prezidenti Mixail Saakaşvili Putin üçün ABŞ-da iş tapmağa hazır olduğunu bəyan edib. Saakaşvili ABŞ-da rəhbərlik etdiyi institutda vəzifənin müqabilində Rusiya liderindən etdiyi hərəkətlərdən çəkinməyi tələb edib.

"Mənim rəhbərliyim altında Vaşınqtonda institut yaradılıb və ABŞ Dövlət Departamenti mənə O-1 iş vizasını təklif edib. Əgər Putin etdiklərindən imtina edərsə, mən ona görə xahiş edə bilərəm. Ona mənə verilən vizanın eynisi veriləcək və mən Putini bizim instituta işə götürməyə hazıram. Qoy, memuar yazsın.", - deyə sabiq dövlət başçısı bildirib.

Xatırladaq ki, Saakaşvili prezident Georgiy Marqvelaşvilinin inauqurasiyasından sonra 2013-cü ilin noyabrında ölkəni tərk etmiş və bu günə qədər geri qayıtmamışdı. Hal-hazırda o, ABŞ-da yaşayır və əsasını qoyduğu Liderlərin yeni beynəlxalq institutuna rəhbərlik edir.

Rəşid Mustafazadə

Ölkə.Az