"Seks-cihad" haqqında bədii film çəkiləcək

Sabri "seks-cihada" təhrik edilmiş qadınlarla ünsiyyətdə olacaq.

Ölkə.Az "Watan" qəzetinə istinadən xəbər verir ki, Rida əl-Bəhri adlı ərəb rejissoru zorla və ya könüllü şəkildə terrorçu qruplaşmaların üzvü olmuş qadınlardan bəhs edən "Aleppo qızılgülü" adlı film çəkəcək.

Filmdə baş rolu Tunisli kinoulduz Hind Sabri oynayacaq. Əsərdə qadınların hansı yollarla silahlı qruplaşmalara daxil olması və cinsi istismara məruz qalması göstəriləcək. Sabri Suriyada gedən müharibəni işıqlandıran və "seks-cihada" təhrik edilmiş qadınlarla ünsiyyətdə olan jurnalist obrazını canlandıracaq.

Filmin ictimaiyyətə nə vaxt təqdim olunacağı barədə məlumat yoxdur.

Rəşid Mustafazadə

Ölkə.Az