İŞİD-dən “Apple” qadağası

İŞİD GPS-dən istifadəyə qadağa qoyub.

ANS PRESS-in məlumatına görə, İŞİD terror qruplaşması üzvləri “Facebook” sosial şəbəkə saytında sonuncu çıxarılan qadağa açıqlamalarını yaymaqdadırlar. 

İŞİD üzvləri tərəfindən paylaşılan yazılı açıqlamada, terrorçu qruplaşma üzvlərinə “Apple”in hər hansısa bir məhsulundan istifadə edilməsinə qadağa qoyduqları deyilir. 

Bu qərarın verilməsinə səbəb isə digər GPS-ə malik qurğular kimi “Apple”ın da həmin texnologiyaya malik olmasıdır. 

GPS sisteminin aradan qaldırılması üçün yaraqlılar nəzarətlərində olan vilayətlərə mobil qurğular üzrə mütəxəssislərini göndəriblər. GPS-i ləğv edilməyən qurğular götürüləcək. Əgər hiylə işlətmək istəyən, gizləyən olarsa, həmin şəxs İŞİD tərəfindən cəzalandırılacaq. 

GPS – Qlobal Mövqetəyinetmə Sistemi (ingiliscə GPS - Global Positioning System) dünya üzrə tətbiq olunan naviqasiya sistemdir. Bu ilk dəfə olaraq 1980-ci ildə ABŞ müdafiə nazirliyi tərəfindən (NAVSTAR-GPS) mövqetəyinetmə və vaxt ölçmə üçün yaradılıb, inkişaf etdirilib. (anspress)

Ölkə.Az