Liviyada immiqrant faciəsi davam edir

“Ölkə.Az” xəbər verir ki, bu ilin ilk ayında Aralıq dənizində içərisi immiqrantlarla dolu olan gəmi batıb. Yerli mətbuatın yaydığı məlumatlara görə, ilkin axtarışlar zamanı 84 nəfərin həyatını xilas etmək mümkün olub.

Lakin digərlərin itkin düşdüyü bildirilib. Bu gün səhər isə dəniz sahilində 8 immiqrantın meyiti tapılıb. Onların cəsədləri havadan axtarışlar zamanı aşkarlanıb.

Beləliklə də, bu il ərzində Liviyada dənizə qurban olan immiqrantların sayı 25 nəfərə çatıb. Verilən xəbərdə deyilir ki, batan gəmidə ümumilikdə 150 nəfər olub. Bununla da, gəmidə olanlardan 41 nəfərin aqibəti hələ də məlum deyil.

Ziya Səccad
Ölkə.Az