"Ukraynanı nüvə silahı da saxlaya bilməz"

Deşitsa: "Ukraynanı Krımda nüvə silahı da saxlaya bilməz"

Keçmiş xarici işlər naziri, indi isə Polşada Ukraynanın səfiri vəzifəsini icra edən Andrey Deşitsa TVN24-ə müsahubəsində bildirib ki, onun ölkəsi Krımın qaytarılması uğrunda mübarizəni dayandırmayacaq. Səfir qeyd edib ki, Kiyevi, hətta Rusiyanıpn yerləşdirəcəyi nüvə silahı da dayandıra bilməz.

Andrey Deşitsanın verdiyi müsahibənin bir hissəsini olduğu kimi sizlərə təqdim edirik

Deşitsa: Putinin etdikləri və onun yalnız təbliğata yönəlmiş bəyanatları...

Aparıcı: Vəziyyəti mürəkkəbləşdirir?

Deşitsa: Mən hesab edirəm ki, Putinin etdikləri və Rusiyanın təbliğat maşını bütövlükdə hansısa şəkildə Kremli tələyə doğru aparır. Sonradan Rusiya cəmiyyətinə Ukraynadakı vəziyyəti və düzgün gedişatı, o cümlədən Krım məsələsini izah etmək çətin olacaq. Əlbəttə, hər şeyi istənilən üsulla izah etmək, əsaslandırmaq olar, lakin bir şərtlər ki, həqiqət deyilmiş olsun. Həqiqət deyilmədiyi halda isə...

Aparıcı: Həqiqəti söyləməmək, lakin güc arqumentinə sahib olmaq olar. Putin Krımda nüvə silahı yerləşdirəndə, Krımın qaytarılması mövzusu birdəfəlik bağlanmış olacaq?

Deşitsa: Xeyr, biz Krım uğrunda mübarizə aparacağıq.

Aparıcı: Orada nüvə silahının, yerindən asılı olmayaraq yerləşdirilməsindənn sonra necə mübarizə aparmaq fikrindəsiniz?

Deşitsa: İndi söhbət yalnız bizdən getmir. Krımda nüvə silahının yerləşdirilməsi şərtlərin və beynəlxalq siyasət, beynəlxalq razılaşma əsaslarının bir daha pozulması olacaq. Bu növbəti dəfə təkcə Ukrayna ilə yox, həm də bütün dünya ilə qarşıdurmaya cəhd olacaq.

Qeyd edək ki, veriliş dekabrın 21-i efirdə yayımlanıb.

Rəşid Mustafazadə

Ölkə.Az