Perinçek: "Ermənilərə hətta İsa Məsihin həyat yoldaşı kömək edə bilməz"
Doğu Perinçek müsəlman vəkilin erməniləri müdafiə etməsinə münasibət bildirib.
Ölkə.Az-ın "OdaTV"-ə istinadən verdiyi xəbərə görə, Türkiyənin Fəhlə Partiyasının sədri Doğu Perinçek bəyan edib ki, nəinki Corc Kluninin, hətta İsa Məsihin yoldaşı belə ermənilərə kömək edə bilməz.
Türkiyənin Fəhlə Partiyasının lideri Doğu Perinçek "Doğu Perinçek İsveçrəyə qarşı" işi üzrə Avropa İnsan Haqları məhkəməsində gözlənilən iclas barədə danışıb. O, Ermənistan tərəfini məşhur aktyor Corc Kluninin həyat yoldaşı Livan əsilli Amal Ramzi Kluninin müdafiə etməsinə toxunub.
"Bu qadın məhkəmə iclasına gələ bilər, lakin ora İsa Məsihin də həyat yoldaşı gəlsə, ermnilərin uğur qazanmaq şansı olmayacaq"
Qeyd edək ki, "Doğu Perinçek İsveçrəyə qarşı" işi üzrə Avropa İnsan Haqları məhkəməsində iclas 28 yanvar 2015-ci ildə baş tutacaq.
Rəşid Mustafazadə
Ölkə.Az
