Abel Məhərrəmov “selfie” çəkdirdi

Bakı Dövlət Universitetinin rektoru Jurnalistika fakültəsinin tələbələri ilə selfie çəkdirib.

Ölkə.Az xəbər verir ki, bu gün BDU-da təşkil olunan "İlin ən yaxşı şam ağacı" müsabiqəsində universitetin rektoru, millət vəkili Abel Məhərrəmov şam ağaclarına baxış keçirərkən, Şaxta Baba obrazında olan Jurnalistika fakültəsinin 1-ci kurs tələbəsi Loğman Kamranlı birlikdə selfie çəkdirməyi xahiş edib.

Abel Məhərrəmov tələbənin sözünü yerə salmayıb və Jurnalistika fakültəsinin müəllim və tələbə heyəti ilə birgə selfie çəkdirib.

Xatırladaq ki, bu gün Bakı Dövlət Universitetində bu ali məktəbin Tələbə Həmkarlar İttifaqı Komitəsinin (THİK) təşkilatçılığı ilə “İlin ən yaxşı şam ağacı” müsabiqəsi keçirilib. Dünya Azərbaycanlılarının Həmrəyliyi Günü və Yeni İl münasibətilə keçirilən müsabiqədə universitetin 17 fakültəsi birinci olmaq üçün yarışa qatılıb.

Qeyd edək ki, Abel Məhərrəmov qalibləri elan edərkən Jurnalistika fakültəsinin də I yerə layiq görüldüyünü və xüsusilə əziyyət çəkdiyini vurğulayıb.

Həmin şəkli sizlərə təqdim edirik: