Asanjla bağlı sərt qərar
Ekvador hökuməti ölkənin Londondakı səfirliyində saxlanılan “WikiLeaks”in qurucusu Culian Asanjı xarici dünya ilə əlaqədən məhrum edib.
“Ölkə.Az” xəbər verir ki, Ekvador rəsmilərinin sözlərinə görə, Asanjın sosial şəbəkələrdə yaydığı infiormasiyalar Böyük Britaniya, Avropa İttifaqı ölkələri və digər dövlətlərlə olan dostluq münasibətlərini təhlükə altına salır.
“Bu tədbir, Assanjın 2017-ci ilin sonunda hökumətə verdiyi yazılı öhdəçiliyin yerinə yetirilməməsi səbəbilə alındı. Belə ki, Asanj digər dövlətlərlə münasibətlərə müdaxiləni nəzərdə tutan məlumatlar verməyəcəyi ilə bağlı öhdəçilik götürmüşdü”, - deyə Ekvador hökumətindən verilən açıqlamada bildirilir.
Asanjın yaydığı informasiya haqqında isə məlumat verilmir.
Ölkə.Az
