Türkiyə "Rosatom"a "Akkuyu" AES-in tikintisi üçün lisenziya verib
Türkiyədə "Akkuyu" AES-in birinci blokunun tikintisi üçün lisenziya verilib.
"Ölkə.Az" xəbər verir ki, "Rosatom"un reallaşdırdığı stansiya layihəsi Türkiyədə qəbul olunan bütün tələblərə cavab verib.
AES-in təməlqoyma mərasiminin bu gün Ərdoğan və Putinin birgə iştirakı ilə keçiriləcəyi gözlənilir.
Rusiyanın energetika naziri Aleksandr Novakın sözlərinə görə, yaxın vaxtlarda layihənin ilk mərhələsinin icrasına başlanılacaq.
Qeyd edək ki, "Akkuyu" AES 4 enerji blokunun tikintisini nəzərdə tutur. Hər blokun gücü 1200 MVt təşkil edəcək.
Layihənin dəyəri 20 milyard dollar təşkil edir. "Akkuyu" dünyada BOO ("build-own-operate" "tik-sahib ol-idarə et) modeli ilə reallaşdırılacaq ilk AES olacaq.
Ölkə.Az
