Türkiyənin əsas müxalifət partiyası olan CHP parçalandı

Ölkə.az xəbər verir ki, CHP sədri Özgür Özel 90 millət vəkili ilə birlikdə partiyadan ayırılıblar. 

Kütləvi istefa prosesi dünən axşam saat 8-də elektron hökumət sistemi vasitəsilə başlayıb.

Saatlar keçdikcə artan iştirakla birlikdə elektron hökumət sistemi vasitəsilə partiyadan ayrılan millət vəkillərinin sayı da artıb. Hazırda CHP-dən 91 millət vəkilinin istefa verdiyi bildirilir. parlament üzvü partiyanı tərk edib.

CHP sədri Özgür Özel isə 90 millət vəkilinin prosedurlarını tamamlamasını gözlədikdən sonra elektron hökumət vasitəsilə istefa verən sonuncu şəxs olub. Belə ki, Özgür Özel yeni partiyanın təsis ərizəsini imzaladıqdan sonra CHP-dən istefa verib.

Xəbəri sosial media hesabında paylaşan Özel "Ölkə, millət, partiyamız və hamımız üçün faydalı olsun" deyə bildirib.

CHP-dən istefa verənlər Özgür Özelin liderliyi altında yeni yaradılan partiyada fəaliyyət gösərəcəklər.. 

Özelin qurduğu partiya "Yeni Partiya" adlanır. Özel ilə birlikdə istefa verən 90 millət vəkili Yeni Partiyanın Təsis Komitəsinə qoşulub.

Özgür Özelin rəhbərlik etdiyi yeni partiya millət vəkillərinin sayına görə parlamentdəki yeni əsas müxalifət qüvvəsinə çevriləcək.

Özgür Özelin CHP-dən istefasından sonra qurduğu yeni partiyanın loqosu açıqlanıb.

Özgür Özelin rəhbərlik etdiyi yeni siyasi təşkilat, Lozanna müqaviləsinin ildönümündə, bu gün Daxili İşlər Nazirliyinə təsis ərizəsini təqdim etməyə hazırlaşır və 91 millət vəkilinin iştirakı ilə parlamentdə yeni əsas müxalifət partiyası olmağa hazırlaşır. Hazırda parlamentdə 135 yerə sahib olan CHP, 91 millət vəkilinin getməsindən sonra 44 yerə endiriləcək. Bununla da CHP Türkiyə Böyük Millət Məclisində "Əsas müxalifət partiyası" mövqeyini itirəcək.

Mürtəza