Şimali Koreya: “ABŞ-la nüvə proqramını müzakirəyə hazırıq”
Şimali Koreya hökuməti ABŞ-la planlaşdırılan görüş barədə açıqlama verib.
“Ölkə.Az” xəbər verir ki, məlumata əsasən, Şimali Koreya lideri Kim Çen İn ABŞ prezidenti ilə görüşdə nüvə proqramının ixtisarını müzakirə edəcək.
Bu, rəsmi Pxenyanın iki liderin görüşünə aid ilk rəsmi bəyanatıdır. Bu vaxta qədər Şimali Koreya mövqeyini Cənubi Koreya vasitəsilə bildirirdi. ABŞ administrasiyası isə Amerika və Şimali Koreya məmurları arasında birbaşa əlaqənin həyata keçirildiyini təsdiqləyib. Amma administrasiya tərəflərin görüşünün nə vaxt və harada keçiriləcəyini deməyib.
Tramp və Kim Çen İn arasında görüşün dəqiq vaxtı müəyyənləşdirilməyib. Bir müddət əvvəl ABŞ prezidenti bəyan etmişdi ki, görüş may ayına qədər baş tuta bilər.
Hikmət Həsənov
Ölkə.Az
