Rusiya mətbuatı Azərbaycandakı prezident seçkilərindən yazdı
Rusiyanın nüfuzlu “RİA Novosti” xəbər agentliyi Azərbaycanda keçirilən prezident seçkilərindən yazıb.
“Ölkə.Az” xəbər verir ki, seçkilərin başlamasından 11 dəqiqə sonra agentlikdə seçkilərlə bağlı geniş yazı çıxıb.
Yazının müəllifi bildirir ki, səsvermə məntəqələri saat 08:00-da açılıb. 5 milyondan çox seçici üçün 125 seçki dairəsində 5641 seçki məntəqəsi təşkil edilib.
Ölkə sərhədlərindən kənarda yaşayanlar üçün 41 seçki məntəqəsi nəzərdə tutulub.
Prezident postu uğrunda 8 namizəd yarışır. Seçkilər günü Azərbaycanda qeyri-iş günüdür.
MSK binasında Azərbaycanın himni səsləndirilib. Sonra isə MSK sədri Məzahir Pənahov seçkilərin başlanmasını elan edib.
Hikmət Həsənov
Ölkə.Az
