"Avropa Amerikadan asılı vəziyyətdədir"

KİV: Avropa Amerikadan asılı olmadığını iddia edə bilməz.

Ölkə.Az-ın Fransanın "AgoraVox" nəşrinə istinadən verdiyi xəbərə görə, fransız KİV-ləri yazır ki, Avropa həmişə Amerikadan asılı olmadığını və müstəqil siyasət yürüdə bildiyini sübut etməyə çalışıb. Lakin indi məlum olub ki, Avropa liderlərindən heç birinin qərarı Vaşinqtonun təsdiqi olmadan verilə bilməz.

"Ən vacibi odur ki, Avropa müstəqil kimi görünməyə çalışa bilməz. O heç vaxt belə olmayıb, bu gerçəkdir. Lakin o, əksinin olduğunu isbat etməyə çalışıb. "Mistralla" anlaşmadan, ələxsus ABŞ-ın təzyiqi ilə qəbul olunmuş sanksiyaların qəbulundan sonra Avropanın müstəqil siyasət apardığını bəyan etmək mümkün deyil", - deyə fransız nəşrində qeyd olunub.

Nəşrin fikrincə, bütün dünya, o cümlədən Rusiya və Çin bunu çox gözəl bilirlər. Xatırladaq ki, amerikalı jurnalistlər hesab edirlər ki, Avropa İttifaqı dağılmaq üzrədir və bunun əsas səbəbi Rusiya əleyhinə olan sanksiyalardır.

Rəşid Mustafazadə

Ölkə.Az