Dünyanın ən böyük ağcaqanadı Çində tutuldu
“Ölkə.Az” xəbər verir ki, ağcaqanadın qanadları 11.15 sm ölçüsündədir. Bildirilir ki, bu, dünyanın ən böyük ağcaqanadıdır.
Həşərat Sıçuan vilayətinin dağlarında aşkar edilib. Avqust ayında baş tutan (ötən ilin) ekspedisiya entomoloq Çjao Li tərəfindən təşkil edilmişdi. Qərbi Çində ən böyük həşərat muzeyi Çjaoya məxsusdur. Bu ilin may ayında isə yeni kəşf muzeydə nümayiş ediləcək.
Mütəxəssis bir neçə ay həşəratı tədqiq edib və onun həqiqətən də dünyanın ən böyük ağcaqanadı olduğuna əmin olub.
Ağcaqanad “Holorusia mikado” ailəsinə məxsusdur. İlk dəfə Yaponiyada 1876-cı ildə britaniyalı entomoloq Con Vestvud tərəfindən kəşf edilib.
Qanadlarının ölçüsü 8 sm olub.
Maraqlıdır ki, bu ağcaqanad qanəmicilər sinfinə aid deyil. Pis uçur və tamamilə zərərsizdir.
Hikmət Həsənov
Ölkə.Az
