Tbilisidə aksiyalara 3 mindən çox insan qoşulub
Gecə klublarında keçirilən antinarkotik əməliyyatına etiraz olaraq Tbilisidə parlament binası qarşısında 3 mindən çox insan toplaşıb.
"Ölkə.Az" "Rustaveli2" telekanalına istinadən xəbər verir ki, aksiya iştirakçıları Rustaveli prospektini bağlayıblar.
Onlar baş nazir Giorgi Kvirikaşvilinin məsələ ilə bağlı rəsmi açıqlama verməsini tələb edirlər.
İştirakçılar baş nazirin açıqlamasını eşitməyincəyə qədər aksiyaları dayandırmayacaqlarını bildiriblər.
Bəzi KİV-lərin məlumatına görə isə küçələrə toplaşan insanlar baş nazirin istefasını tələb edirlər.
Digər məlumatda isə bildirilir ki, Tbilisi meri Kaxa Kaladze xüsusi bəyənat verəcək.
Qeyd edək ki, dünən Tbilisidəki gecə klublarında keçirilən xüsusi əməliyyat zamanı 8 narkotik alverçisi saxlanılıb.
Ölkə.Az
