"Lotu Quli" Türkiyəni tərk etdi
"Lotu Quli" ləqəbi ilə tanınan nüfuzlu azərbaycanlı "qanuni oğru" Nadir Səlifov Türkiyəni tərk etmək məcburiyyətində qalıb.
"Ölkə.Az" "Rosbalt"a istinadən xəbər verir ki, Səlifov Birləşmiş Ərəb Əmirliklərinə gedib və bir müddət orada qalacaq.
Mənbələr hadisəni Antalyadakı qətllə əlaqələndirirlər. Belə ki, Antalyada öldürülən "qanuni oğru" Qayoza Zviadadze (Qiya Kutaisi) işi ilə bağlı Türkiyədə istintaq başlanılıb. İstintaqın nə ilə nəticələnəcəyi məlum deyil. Quliyə yaxın olan insanlar isə bildirib ki, müəyyən qüvvələr şübhələri xüsusi olaraq Səlifovun üzərinə yönəldirlər.
Nadir Səlifov isə yaxın adamlarına bildirib ki, BƏƏ-yə istirahət və işləri üçün yeni yerlər axtarmağa gedib.
Ölkə.Az