"Facebook"un yaradıcısını ölümlə hədələdilər

Bu barədə Mark Zukerberq şəxsi Facebook səhifəsində yazıb.

Ölkə.Az xəbər verir ki, dünyanın bir nömrəli sosial şəbəkəsinin qurucusu Mark Zukerberq bir neçə il əvvəl pakistanlı terrorçu tərəfindən Məhəmməd peyğəmbər haqqında təhqiredici yazıları qadağan etmədiyi halda ölüm təhdidi aldığını bildirib.

"Bir neçə il əvvəl pakistanlı ekstremist Məhəmməd peyğmbəri təhqir edən paylaşımları qadağan etmədiyim üçün məni öldürəcəyi ilə təhdid etmişdi", - deyə Mark yazıb.

Facebook yaradıcısı paylaşımların qadağan edilməməsinin səbəbini söz və fikir azadlığı ilə əsaslandırıb.

"Bəzən təhqiredici fikirlər də dünyanı daha yaxşı və maraqlı edə bilər. "Facebook" bütün dünyada yaşayan insanların öz baxış və düşüncələrini paylaşa biləcəyi bir məkandır", - deyə Zukerberq fikrini izah edib.

O, Parisdə "Charlie Hebdo" nəticəsində öldürülənlərə başsağlığı verib.

Rəşid Mustafazadə

Ölkə.Az