Rus hərbçisi erməni ailəsininin 6 üzvünü qətlə yetirdi

Bu cinayətin törədilməsində 102-ci rus bazasının hərbçisi şübhəli bilinir.

Ölkə.Az Rosbalt agentliyinə istinadən xəbər verir ki, Ermənistanın Gümrü şəhərində 6 nəfərdən ibarət ailə güllələnib.

Bu barədə KİV-lərə yerli polisin mətbuat xidmətinin nümayəndəsi Armen Malxasyan danışıb. Onun sözlərinə görə, hücum bir neçə saat əvvəl həyata keçirilib. News.am-ın məlumatına görə, ailənin 6 üzvü - ər, arvad, onların oğlu və qızı, eyni zamanda, gəlin və azyaşlı nəvə qətlə yetirilib. Qadınlardan birinin cəsədinin yanında yaralı körpə aşkar olunub. O, döş qəfəsindən kəsilmiş-deşilmiş yaralar alıb. Gümrünün Avstriya xəstəxanasının direktoru Açot Kurqinyan xəbər verib ki, uşaq ağır vəziyyətdə xəstəxanaya yerləşdirilib.

Bu cinayətin törədilməsində 102-ci rus bazasının hərbçisi şübhəli bilinir.

"Bu versiya var və o baxılmaqdadır. Hal-hazırda biz bu hadisənin baş vermə şəraitini araşdırırıq", - deyə mətbuat xidmətinin nümayəndəsi bildirib.

Qeyd edək ki, silahlanmış cinayətkar axtarışdadır.

Rəşid Mustafazadə

Ölkə.Az