Parisdə siyasətçilərin və xalqın bərabər yürüşü saxta çıxdı

“Siyasət və faciə arasında sərhəd haradadır?”.

“Alman İqtisadi Xəbərləri” (Deutsche Wirtschafts Nachrichten, DWN) “Charlie Hebdo” terror aktının qurbanlarına həsr edilmiş müxtəlif ölkə siyasətçilərinin Parisdə yürüşündən olan kadrın qurma çıxdığını bildirib.

Fransız hakimiyyətinin siyasətçilərin yürüşünü xalqın “Sülh yürüşü” ilə eyni tədbir kimi qələmə vermələri jurnalistləri qəzəbləndirib, real olaraq isə dövlət başçıları yaxşı mühafizə olunmuş küçə ilə addımlayırdılar.

“Bu fotolar bütün dünyanı dolaşıb. Parisdə yürüşdə milyon nəfərdən çox adam iştirak edib, terror aktının qurbanları ilə həmrəylik göstərisi nəfəs kəsici idi. Hərəkatın önündə Avropa liderləri idi. Praktiki olaraq hər xəbər buraxılışında vətəndaşların və siyasətçilərin həmrəylik nümayiş etdirdikləri yürüşdən yazırdılar.

Amma indi aydın olub ki, bu, sadəcə optik illüziya imiş. Siyasətçilər xalq yürüşünün önündə deyil, Leon Blyum meydanına aparan bağlı küçə ilə hərəkət edirlərmiş.

Siyasətçilərin arxasınca gələn “xalq” parislilər deyil, təhlükəsizlik qüvvələridir. Siyasətçilərdən ibarət qrupun arxasında küçə boş qalıb. Çəkilişin metrosunun yaxınlığında edilməsini Le Monde qəzeti təsdiqləyib”, - DWN yazıb.

“Siyasət və faciə arasında sərhəd hardadır?” – alman nəşri bu sualı verərək, oxucularından onları yanlışlığa sürüklədiyi üçün üzr istəyib.

DWN əməkdaşlarından başqa, saxta yürüş kadrı digər alman nəşrlərinin jurnalistlərini də qəzəbləndirib./Oxu.az/