"Qazprom" Ukrayna ərazisindən qaz nəqlini dayandırır

"Qazprom" Avropaya Ukrayna ərazisindən nəql etdiyi qazı tam dayandırmaq niyyətindədir.

Ölkə.az Rusiya KİV-lərinə istinadən xəbər verir ki, bu haqda "Qazprom"un rəhbəri Aleksey Miller Avropa Kimissiyasının sədr müavini Maroş Şefçoviçlə görüşü zamanı bildirib.

Miller qeyd edib ki, yaxınlarda "Qazprom" Ukrayna ərazisindən Avropaya nəql etdiyi qazı tam dayandıraraq axını Türkiyəyə yönəldəcək.

Qazprom rəhbəri həm də onu qeyd edib ki, "Türkiyə axının" yeganə marşurutdur ki, Ukrayna üzərindən Avropaya nəql edilən 63 milyard kub.m qazı ötürə bilsin.

"Başqa variant yoxdur. Bizim avropalı partnyorlarımız bu haqda məlumatlandırılıblar və indi onların bir nömrəli işi Türkiyə və Yunanıstan sərhəddində qaz nəqli üçün lazım olan infrastrukturun tikilməsidir", deyə Miller vurğulayıb.

Ölkə.az