Qərb liderləri Rusiyaya təzyiq etməyə davam edəcək

"Hamımız qeyri-stabilliyə məruz qala bilərik"

Ölkə.Az xəbər verir ki, ABŞ prezidenti Barak Obama və Böyük Britaniya Baş naziri Devid Kemeron birgə bəyanatla çıxış ediblər. "The Times" qəzetində dərc olunan məqalədə Ukraynaya qarşı Rusiya təcavüzünə müqavimət göstərilməsi davam etdirilməsinin zəruriliyi qeyd olunub.

"Əgər biz beynəlxalq hüquqa qarşı bu cür fundamental pozuntuların cəzasız qalmasına imkan versək, hamımız bunun ardından gələn qeyri-stabilliyə məruz qala bilərik", - deyə Obama və Kemeron vurğulayıb.

Siyasətçilər bildirir ki, beynəlxalq ictimaiyyət Rusiyanın Ukraynada stabilliyi pozmaq cəhdlərinə baxaraq kənarda qalmayacaq.

Qeyd edək ki, ümumillikdə məqalə daha çox yaxınlarda Fransada baş verən hadisələrin fonunda terrorizm və islam ekstremizminə həsr olunub. ABŞ və Böyük Britaniya liderləri bununla bağlı radikallardan gələn bütün təhlükələrə birgə cəbhə ilə çıxış etməyə vəd veriblər.

Rəşid Mustafazadə

Ölkə.Az