"İŞİD Kərbəlaya yaxınlaşsa, İran müharibəyə başlayacaq"

İran İŞİD-lə müharibəyə hazırdır.

Küveytin Al-Rai qəzeti xəbər verir ki, 350 min iranlı əsgər və zabit İraqla sərhədə istiqamətlənib. Onlar İraq hökumətinin müvafiq sorğusundan sonra İŞİD-lə müharibə aparmaq üçün qonşu dövlətin ərazisinə soxulmağa hazırdırlar.

İranlı etibarlı mənbə Al-Rai müxbirinə bəyan edib ki, İran İŞİD tərəfindən böyük təhlükəni hiss edir.

"Bu təhlükə təkcə İran yox, həm də İŞİD üçün əlçatan ərazilər sayılan Samirə və Kərbəladakı şiə ziyarətgahları üçün də təhlükədir. Bununla əlaqədar olaraq, elit qüvvələri İraqla sərhəddə yüksək döyüş hazırlığı vəziyyətinə gətirmək qərara alınıb. İranı aktiv fəaliyyətə yalnız İŞİD-in Kərbəlaya yaxınlaşması təhrik edə bilər", - deyə mənbə bildirib.

Qeyd olunur ki, İran gündəlik, İranın hərbi ehtiyaclarına uyğun olaraq hər gün təlimatçı və silahları sərhədin o tərəfinə göndərir. Rəsmi Bağdad İrandan müxtəlif yerli istehsallı olan silahların alışına dair bir neçə müqavilənin imzalanmasını xahiş edib.

"Söhbət bir neçə milyard dəyərə malik müqavilələrdən gedir, halbuki Vaşinqton hökumətin dəyişdirilməsi adı altında artıq imzalanmış müqavilələr üzrə silah təchizatını uzadır", - deyə mənbə əlavə edib.

Al-Rai qəzetinə danışan şəxs əminliklə vurğulayıb ki, İranın hər hansı kənar ərazilərə iddia etməsi fikri tamamilə cəfəngiyatdır.

Rəşid Mustafazadə

Ölkə.Az