Messidən həyat qaydaları: "Yaxşı oğlan kimi yadda qalmaq mənim üçün daha xoş olardı"

"Mükafatlar yaxşıdır, ancaq onlar məni yox, jurnalistləri narahat etməlidir."

Dünyaca məşhur idmançı Lionel Messi İspaniyanın "Barselona" klubunun və Argentina milli futbol komandasının heyətində çıxış edir. O, hücumçu və hücumameyilli yarımmüdafiəçi mövqelərində oynayır.

Ölkə.Az olaraq dünya şöhrətli futbolçunun həyat qayda və prinsiplərini təqdim edirik:

Mənim yerimə ayaqlarım danışır.
Mənim etdiyim - futbol oynamaqdır, futbol isə mənim sevdiyim oyundur.
Mən 12 yaşımdan Barselonada yaşayıram, ancaq bu, bir çox argentinalıların düşündüyü kimi məni argentinalı olmağa məcbur etmədi.
Fikrimcə məndə eqo yoxdur. Ən azından o, özündən xəbər verməyib.
Mən Pele, Maradona və ya Di Stefano kimi çempionlara böyük hörmət bəsləyirəm, ancaq mən özümün onlarla müqayisə olunmağımı istəmirəm. Bu barədə təqaüdə çıxandan sonra danışarıq.
Qurban vermək və istedad hər zaman bir yerdədir.
Sən hər gün yeni nəyisə öyrənsəydin, həyat daha gözəl olardı.
Uşaqlıqdan mən sakit həyat sürmüş və bütün vaxtımı futbola sərf etmişəm. Balaca olanda dostlar məni gəzməyə çağırsa da, getmirdim, çünki bildirdim ki, sabah məşqim var. O vaxtdan heç nə dəyişməyib. Əgər dostlar məni çağırırsa, evdə qalıram.
Mən ən yaxşı olmağın əleyhinə deyiləm. Yalnız özümü mükəmməllik mövqeyindən tənqid etmək üçün.
Mən uğurumu heç nəylə ölçmürəm. Dünən olanlar dünən olub, sabah nə olacağı barədə düşünmək lazımdır. Ötənlər haqqında düşünmək üçün mənim həyatım çox sürətlidir. Təqaüdə yollananda hər şeyi düşünəcəm.
Mükafatlar yaxşıdır, ancaq onlar məni yox, jurnalistləri narahat etməlidir.
Mən ən yaxşı qolumu deyə bilmərəm. Qollar haqqında vacib və qeyri-vacib nöqteyi-nəzərindən düşünürəm, gözəllik baxımından yox. Bax final qolları həmişə vacibdir.
Hər matçda sanki finaldakı kimi oynayıram.
Bir dəfə oyundan sonra "Arsenal"dan oğlan mənə yaxşınlaşaraq, "Sizinlə bir meydançada oynamaq mənim üçün şərəf idi" dedi. Mən isə düşündüm ki, "İlahi, bunu indicə uduzan komandanın oyunçusu deyir".
Həyatda udmaq və uduzmaqdan daha önəmli şeylər var.
Ata olmaq hər şeyə yeni gözlə baxmağı öyrənməkdir. Dünən sənin milyon mühüm işin var idi, bu gün isə birdən-birə sənin üçün oğlun ən mühüm olur.
Müəyyən anda özünə deməlisən: heç kim hər zaman qalib ola bilməz.
Pul məni daha yaxşı oynamağa sövq etmir. Mən özümü hələ də anasından pul dilənərək, küçədə top oynatmağa çıxan uşaq kimi hiss edirəm. Bu hissin yox olacağı gün mən futbolu tərk edəcəm.
Mənə qəribə saç düzümü və gözəl bədən lazım deyil. Sadəcə ayaqlarımın altına top atın və mən bacardığımı sizə göstərərəm.
Mənə elə gəlir ki, Ronaldu mükəmməldir və burada heç bir paxıllıq yoxdur. Ronaldu olmasaydı, mən onu üstələməyə çalışmaz, yerimdə taptalayardım.
Həyatda ən kədərli gün - bundan daha yaxşının olmayacağını düşündüyün gündür.
Mən dünyada ən yaxşı futbolçu olmaqdan daha çox yaxşı insan olmaq üçün narahatam. Əks halda karyeram bitəndə mən nə ilə qalacam? Yaxşı oğlan kimi yadda qalmaq mənim üçün daha xoş olardı.
Mənim üçün hər zaman üzərində işləyəsi nəsə var. Məsələn, mən eyni dərəcədə həm sağ, həm sol ayaqla vurmaq istəyirəm.
Argentina təkcə Messi deyil.