Bu ölkədə sosial şəbəkələr bağlandı

Sosial şəbəkələrə giriş əngəllənib.

Ölkə.Az xəbər verir ki, Nigeriya daxilində sosial şəbəkə saytlarına giriş əngəllənib. Qadağa qərarı"Boko Haramın" yaydığı təhdid videosu ilə bağlı alınıb.

Baş nazirlik səlahiyyətlilərindən Bubacar Ali sosial şəbəkələr olan Facebook, Twitter və sürətli mesajlaşma proqramları WhatsApp və Viber'ə daxilolmanın qadağan edildiyini ifadə edib. Nigeriya prezidenti Mahamadu İsufu ötən həftə Fransanın satirik jurnalı "Charlie Hebdo"ya təşkil edilən hücumda ölənlərin xatirəsinə Parisdə həmrəylik yürüşünə qatılmışdı. Bundan sonra "Boko Haram" təşkilatı internetdə yayılan videoda aralarında İsufunun da olduğu yürüşə qatılan Afrika liderlərini birbaşa təhdid etmişdi.

Sosial şəbəkə saytlarına girişin qadağa qərarın "Boko Haramın" təhdid videosu ilə əlaqədar olaraq qəbul olunduğu bildirilib.

Xatırladaq ki, Nigeriyada ötən həftə bir çox şəhərlərdə minlərlə adam fransız jurnalının karikaturalarına etiraz etmişdi. Etirazçılar və təhlükəsizlik qüvvələri arasındakı qarşıdurmalarda 10 adam həyatını itirmişdi.

Ölkə.Az