Roma Papası: “ “iPhone” və “Twitter”i bir kənara qoyun“

Dünya katoliklərinin dini lideri: “Bir-birinizlə canlı ünsiyyətdə olun”

“The Associated Press” yazır ki, Roma Papası ailələrə üz tutaraq, onları “iPhone” və “Twitter”i bir kənara qoymağa və bir-biri ilə yenidən ünsiyyətdə olmağa çağırıb.

“Dünya Ünsiyyət Günü” ilə əlaqədar danışarkən Papa deyib ki, media uzaqda olan ailələri bir araya gətirə bilər. Bu yaxşıdır. Amma yaxında olan insanlar bir-biri ilə birbaşa əlaqədə olsalar, daha yaxşı olar.

“Biz bir-birimizlə anlaşmanı yenidən öyrənməliyik”, Papa Fransisk deyib.

“Uşaqlar ailədə hamı ilə anlaşmağa cəhd edirlər. Fərqli yaşda olan insanlarla söhbət etməkdən qətiyyən çəkinmirlər. Onların bu təmasları çox müsbətdir və insanları daha xeyirxah edir. İnsanlar yaxın olanda, bir-birlərin daha tez bağışlayırlar.

Mükəmməl ailə yoxdur. Biz mükəmməl olmamaqdan çəkinməli deyilik. Öz zəifliyimizdən, konfliktə meylli olmağımızdan qorxmamalıyıq. Amma əsas məqsədimiz insanlarla anlaşma olmalıdır. Bunun üçün konstruktiv yanaşma lazımdır”, Papa bu kimi fikirlərini tədbir iştirakçıları ilə bölüşüb. (musavat)

Ölkə.Az