Fidel Kastro: \"Hələ də ABŞ-a etibar etmirəm\"

Kuba inqilabı lideri tələbələrə müraciət edib.

Ölkə.Az-ın Kp.ru saytına istinadən verdiyi xəbərə görə, Kuba inqilabının lideri Fidel Kastro bəyan edib ki, hələ də ABŞ-a etibar etmir. O, Amerika ilə ölkəsi araslnda münasibətlərin normallaşması prosesini şərh edərkən bildirib.

"Mən ABŞ siyasətinə inanmıram və onlarla heç bir fikir mübadiləsi aparmamışam. Lakin bu, münaqişələrin sülh yolu ilə həll edilməsindən imtina və müharibə təhlükəsi demək deyil. Dünyanı qorumaq hər kəsin borcudur", - deyə Fidel Kastro "Qranma" qəzetində tələbələrə müraciətində yazıb.

Siyasətçi qeyd edib ki, bu gün bəşəriyyət üçün qorxulu ola biləcək ciddi təhlükələr insan ləyaqəti ilə uyğun olan normalarla əvəz olunmalıdır.

Xatırladaq ki, dekabrda ABŞ prezidenti Barak Obama və Kuba lideri Raul Kastro iki ölkə arasında əlaqələrin bərpa edilməsinə hazır olduqlarını təsdiq etmişdilər. Vaşinqton və Havana arasında diplomatik münasibətlər 1961-ci ildə pozulmuşdu.

Rəşid Mustafazadə

Ölkə.Az