Əfqanlar İŞİD və \"Taliban\"a qarşı ayağa qalxdı

5 min silahlanmış şəxs İŞİD və "Taliban"la mübarizə üçün ayağa qalxıb.

Ölkə.Az Azadlıq Radiosuna istinadən xəbər verir ki, Əfqanistanın şimal vilayəti Bəlxdə özünü "Marq" ("Ölüm") adlandıran silahlı qrup mövcudluğu haqqında bəyan edib.

Qrupun onlarla üzvü Məzari-Şərif vilayətinin mərkəzi küçəsinə çıxaraq İŞİD və "Taliban"la mübarizə aparmağa hazır olduğunu bildirib.

"Marq" təmsilçiləri Əfqanistan bayrağının rənglərini özündə əks etdirən paltarlar geyiniblər. Onlar iddia edirlər ki, 5 mindən artıq insan qruplaşmaya qoşulub və terrorçularla mübarizəyə hazırdır.

"Marq" hesab edir ki, həm İŞİD, həm "Taliban" Əfqanistanın ən böyük düşmənləridir.

Rəşid Mustafazadə

Ölkə.Az