Obama Netanyahu ilə niyə görüşmək istəmir?

Obama Netanyahu ilə görüşmək istəməməsinin səbəbini açıqlayıb.

Ölkə.Az İsrailin 9-cu kanalına istinadən xəbər verir ki, ABŞ prezidenti Barak Obama dünən CNN telekanalına müsahibəsində İsrailin baş naziri Benyamin Netanyahu ilə sonuncu Nyu York səfəri zamanı görüşməkdən imtina etməsinin səbəbini izah edib.

"Mən onunla ona görə görüşməkdən imtina etdim ki, bizim siyasi xəttimizə görə, seçkilərinə iki həftə qalmış hər hansı dövlət lideri ilə görüşmək olmaz", - deyə prezident bildirib.

Sözlərini qüvvətləndirmək üçün Obama Devid Kemeronla görüşünün erkən vaxta salınmasını nümunə göstərib.

"Biz ABŞ-ın hansısa ölkənin seçki gedişatına müdaxilə etməsi təəssüratını yaratmaq istəmirik", - deyə Obama əlavə edib.

Rəşid Mustafazadə

Ölkə.Az