Raul Kastro ABŞ-dan bunları xahiş etdi
Raul Kastro ABŞ-dan Kuba üzərindən ticarət embarqonun götürülməsini xahiş edib.
Ölkə.Az "Telesur" telekanalına istinadən xəbər verir ki, bu gün Kuba Dövlət Şurasının rəhbəri Raul Kastro rəsmi Vaşinqtondan ölkəsindən embarqonun götürülməsi, Quantanamonun qaytarılması və Kubanın terrorçu siyahısından çıxarılmasını xahiş edib.
"Əsas problem həll edilməyib. Söhbət böyük iqtisadi və sosial zərər verən, beynəlxalq hüquq normalarına zidd olan iqtisadi, ticari və maliyyə blokadasından gedir", - deyə Kastro vurğulayıb.
O qeyd edib ki, diplomatik münasibətlərin qurulması ikitərəfli münasibətlərin normallaşması prosesində yalnız başlanğıcdır. Xatırladaq ki, dekabr ayında Barak Obama Kuba ilə 1961-ci ildə pozulmuş münasibətlərin bərpa olunduğunu bəyan etmişdi.
Rəşid Mustafazadə
Ölkə.Az
