Doğu Pərincək: "Artıq heç kəs Türkiyəni soyqırımda günahlandıra bilməz"

Türkiyə İşçi Partiyasının lideri Doğu Pərincək sensasion bəyanatla çıxış edib.

Ölkə.az Türkiyənin "Radikal" qəzetinə istinadən xəbər verir ki, AİHM (Avropa İnsan Hüquqları Məhkəməsi) "Doğu Pərincək İsveçrəyə qarşı" məhkəmə işi çərçivəsində növbəti dinləmələr keçirilib.

AİHM-dəki prosesdə çox sayda insan iştirak edib. Tarixçilərin, siyasətçilərin, ictimai xadimlərin də iştirak etdiyi geniş iclasda saxta "erməni soyqırımı"na qiymət verilib və həmin dövr baş verən hadisələr ətrafından diskussiyalar keçirilib.

Doğu Pərincəkin Radikala verdiyi açıqlamada bildirilir ki, AİHM yəhudi Xolokostunu saxta "erməni soyqırımı" ilə müqayisə etməyin düzgün olmadığını vurğulayıb.

"Məhkəmə İsveçrə və bəzi Qərb dövlətlərində qəbul olunmuş qanunları ləğv edəcək. Bu qanunlarda "erməni soyqırımı"nı inkar edənlər üçün cəza nəzərdə tutulurdu. Artıq heç kəs bizi soyqırımda günahlandıra bilməz. Bu nümunəvi bir5 məhkəmə prosesi idi. Avropalılar, türklər, müsəlmanlar, hamı nifrətə və cahilliyə qarşı mübarizə aparmalıdır. Hamı qardaş kimi yaşamalıdır. Türkləri alçaltmaq üçün ortaya atılmış "soyqırım" artıq iflasa uğrayıb, heç kəs bizi bu məsələdə ittiham edə bilməz", deyə Doğu Pərincək vurğulayıb.

Ölkə.az