Krımda tatarların qatilinə heykəl qoyuldu
Kreml Krım tatarlarını növbəti dəfə təhqir etdi.
Ölkə.az "Azadlıq" radiosuna istinadən xəbər verir ki, Krımın Yalta şəhərində Çerçill, Ruzvelt və Stalinin burada keçirdiyi görüşün 70 illiyi münasibəti ilə üçlüyün heykəlinin açılışı olub. Açılışda Rusiya Dövlət dumasının sədri Narışkin də iştirak edib.
Xatırladırıq ki, Krımı Ukraynadan işğal edən Rusiya yarımadanın aborigenləri olan tatarlara böyük vədlər versə də, sonradan apardığı siyasətlə əsl niyyətinin nə olduğunu bir daha gözlər önünə sərdi.
Tatar televiziyasının binasının zəbt olunmasından, tatar fəallarının həbs olunmasından sonra Kreml bu dəfə də tatar xalqını onun qatilinə heykəl qoyaraq alçaltdı. Stalinin göstərişi ilə soyqırıma uğradılmış tatarların torpağında Stalinin heykəlinin ucaldılması tatar xalqının milli qürurunu alçaltmaqdan, onları ən ağır təhqirə məruz qoymaqdan başqa bir şey deyil.
Ölkə.az
