İordaniyalılar yandırılan pilotun qisasını alırlar

“Bizim cavabımız sərt olacaq”.

İordaniyanın Hərbi Hava Qüvvələri Suriyada yerləşən “İslam Dövləti” (İŞİD) yaraqlılarının bazalarına zərbələr endirməyə başlayıblar.

İordaniyanın xarici işlər naziri Naser Cudanın bəyan etdiyinə görə, “İslam dövləti” yaraqlılarının bazalarına endirilən aviazərbələr, təyyarəçi ekstremistlər tərəfindən yandırılan Moaza əl-Kasabinin ölümü üçün qisasın yalnız başlanğıcıdır.

Pilotun ölümü haqqında xəbəri alaraq, bu həftə ABŞ-a olan səfərini təxirə salan İordaniya kralı Abdulla bəyan edib:

“Doğma oğlumuzun başına gələnlərdən sonra İordaniyanın və onun ordusunun cavabı sərt olacaq”.

Müxtəlif məlumatlara görə 20-yə qədər F-16 (İordaniyanın HHQ parkının yarısı) Rakkaya (Suriya) yaraqlıların mövqelərinə uçuşda iştirak ediblər. Geri qayıdarkən paytaxtın və yaraqlılar tərəfindən diri-diri yandırılaraq qətlə yetirilən İordaniyanın HHQ təyyarəçisi Moaza əl-Kasabinin doğma şəhəri Karakın üzərindən keçiblər, məhz bu zaman kral II Abdulla təyyarəçinin ailəsi ilə görüşdə olub.(oxu.az)

 

 

Ölkə.Az