Cəbəllütariq boğazında gərginlik

“Ölkə.Az” xəbər verir ki, böhran dünəndən başlayıb. İngiltərədən verilən açıqlamaya əsasən, ispan hərbi gəmiləri dənizdəki ticarət gəmilərini uzaqlaşdırmağa çalışıb. İngilis donanmasının müdaxiləsi ilə ispan gəmisi ərazini tərk edib. “Bu hərəkət axmaq bir oyundur”, - deyə açıqlamada məsələyə münasibət bildirilib.

Cəbəli-Tarik muxtar vilayətinin rəhbərliyi isə İspaniyanın bu hərəkətini “axmaqlıq” adlandırıb. Hökumətin mətbuat katibi deyib:

“İngiltərənin Cəbəllütariq üzərindəki BMT müqavilələrində bütün dünya tərəfindən qəbul edilən suverenliyinə qarşı atılan bu addım axmaq oyundur. Quru səs-küydən başqa heç nə deyil. Deyəsən İspaniya ordusundə hələ də beynəlxalq hüququ poza biləcəklərini düşünənlər var”.

Şimali Afrika sahillərindən 18 km uzaqlıqda olan Cəbəllütariq İngiltərəyə aiddir. Ancaq İspaniyanın da özəl status olan bölgədə suverenlik iddiası var.

Hikmət Həsənov
Ölkə.Az