Putinə xəbərdarlıq
Obama ilə Putin arasında gərgin telefon danışığı baş tutub.
Amerika Birləşmiş Ştatlarının prezidenti Barak Obama ilə Rusiya prezidenti Vladimir Putin arasında telefon danışığı olub.
Vaşinqtonun təşəbbüsü ilə baş tutan telefon danışığı zamanı Obama Ukraynanın ərazi bütövlüyünü dəstəklədiyini vurğulayıb və qeyd edib ki, Kiyevlə Rusiya-yönümlü qüvvələr arasında danışıqlar prosesinin bərpa edilməsi sülhü bərqərar etmək imkanı ola bilər.
Barak Obama həmçinin Ukraynada münaqişə qurbanlarının sayının artmasından dolayı narahatlığını ifadə edib və Fransa, Almaniya, Rusiya və Ukrayna liderlərinin görüşlərindən sonra Minsk razılaşmasının həyata keçiriləcəyinə ümid etdiyini deyib.
ABŞ prezidenti Kremlin bundan sonra da Ukraynadakı Rusiya-yönümlü qüvvələri dəstəkləsinin Rusiyaya baha başa gələ biləcəyini də deyib.
Kreml hələlik Obama ilə Putin arasında telefon danışığının öz versiyasını təqdim etməyib.
Ölkə.Az
