Cənubi Koreyada xəyanətə görə cəza ləğv olundu

Cənubi Koreyada ailədaxili xəyanətə görə cinayət məsuliyyəti ləğv olunub.

Ölkə.Az "Renxap" agentliyinə istinadən xəbər verir ki, Cənubi Koreyada həyat yoldaşına xəyanət edən şəxslər cəzalandırılmayacaq.

Ölkənin Konstitusiya məhkəməsinin 9 hakimindən 7-i 62 il qüvvədə olan qanunun əleyhinə səs verərək, onun ləğv olunmasına nail olub. Bildirilib ki, sözügedən qanun insanın şəxsi həyatına qarışmaq və onun seksual partnyor seçiminin məhdudlaşdırmaqdır.

Əvvəllər 1953-cü ildən etibarən xəyanətə görə 2 illik həbs cəzası nəzərdə tutulurdu. "The Guardian"ın xəbərinə əsasən, 35 min nəfər məhz bu cinayətə görə cəzalandırılıb.

Ölkə.Az