ABŞ generalı: "Donbasda 12 min rus əsgəri var"

Pentaqon Donbasdakı vəziyyət barədə bəyanat yayıb.

Ölkə.az Ukrayna KİV-lərinə istinadən xəbər verir ki, ABŞ ordusunun generalı Ben Hoces Ukrayna ərazisində Rusiya ordusunun böyük bir korpusunun olduğunu bildirib.

ABŞ ordusunun Avropadakı quru qoşunlarının komandanı olan Hoces burada baş verən prosesləri xüsusi diqqət mərkəzində saxladıqlarını bildirib.

"Donbasdakı 12 minlik korpusdan əlavə Rusiya ordusunun Krımda daha 29 min əsgərlik bir hərbi qruplaşması da var. Regionda baş verənlər, hərbi əməliyyatların gedişi, dağıntıların miqyası onu göstərir ki, Moskvanın iddia etdiyi kimi bunu şaxtaçılar, bənnalar, sürücülər və.ıs törətməyib. Donbasda peşəkər və requlyar ordu vuruşur", deyə Pentaqon amerikalı generaldan sitat gəturib.

Ölkə.az