İran sanksiyaların ləğvini tələb edir

İran tərəfi Tehrana qarşı qərb sanksiyalarının ləğv edilməsini tələb edib.

Ölkə.Az "Mehr" informasiya agentliyinə istinadən xəbər verir ki, İran Xarici işlər naziri Cavad Zərif və ABŞ dövlət katibi Con Kerri arasında İsveçrənin Montre şəhərində keçirilən danışıqlar zamanı İran tərəfi Tehrana qarşı tətbiq olunmuş sanksiyaların ləğv olunmasını tələb edib.

İran XİN nümayəndəsi Mərziyyə Əfxam bəyan edib ki, yekun anlaşma danışıqların gündəmində olan bütün maddələrlə bağlı razılıq əldə olunmadan əldə edilə bilməz. O qeyd edib ki, İran Nüvə silahının yayılmaması müqavilənin iştirakçısıdır və buna görə Tehranın hüquqlarına, o cümlədən dinc nüvə proqramı haqqına hörmətlə yanaşılmalıdır,

Xatırladaq ki, martın 2-i İsveçrənin Montre şəhərində Con Kerri ilə Cavad Zərif arasında Tehranın nüvə proqramına həsr olunmuş danışıqlara start verilmişdi.

Rəşid Mustafazadə

Ölkə.Az