Paytaxt səhraya köçürülür

Misir hakimiyyəti yeni paytaxtı ölkənin şərqində tikmək niyyətindədir.

Misirin mənzil tikintisi naziri ​ Mustafa Madbula bildirib.

Məmur, Şarm-əş-Şeyxdə paytaxtın inşaatına dair investisiya layihəsinin təqdimatı ilə çıxış edib. Madbula bəyan edib ki, Misirin yeni administrativ paytaxtı Qahirədən 45 km şərqdə səhrada inşa ediləcək.

Hakimiyyət bəyan edir ki, yeni paytaxtın tikilməsi Qahirənin hal-hazırda 20 milyon nəfər olan və 40 ildən sonra iki dəfə artacaq əhalisinin köçürülməsi ilə əlaqədardır.

Nazirin sözlərinə görə, yeni paytaxt 5 milyon insan üçün nəzərdə tutulub.

Layihənin birinci mərhələsi yeddi ilə realizə ediləcək. İnşaatın ilkin mərhələsi üçün ehtimal edilən dəyər 45 milyard dollardır.oxu.az

Ölkə.Az