Almaniyada qiyam təşkil olunub
"Blockupy" fəalları Frannkfurtda qiyam təşkil edib.
Ölkə.Az "Die Welt"ə istinadən xəbər verir ki, nəhəng maliyyə qurumlarının siyasətinə qarşı çıxış edən "Blockupy" hərəkatının fəalları Frankfurt-Mayn şəhərində yerləşən Avropa mərkəzi bankının binası qarşısında icazəsiz nümayiş keçiriblər.
Aksiya zamanı fəallar bir neçə polis avtomobilini yandırıb və təşkilatın ofisinin yerləşdiyi Zonnemannştrass rayonunda hərəkəti bağlayıblar. İştirakçılar hüquq-mühafizə orqanları əməkdaşlarına şüşə qab və daşlar atıblar. Buna cavab olaraq polislər nümayişçiləri dağıtmaq üçün müxtəlif vasitələrə əl atıblar.
Hal-hazırda 300-400 nəfərin iştirak etdiyi qiyam davam edir. "Blockupy" hərəkatı "üçlük" adlanan birliyin (Beynəlxalq valyuta fondu, Avropa mərkəzi bankı və Avrokomissiya) iqtisadi siyasətinə etiraz edirlər.
Rəşid Mustafazadə
Ölkə.Az
