Fövqəladə hallar naziri işdən qovuldu və iclasda həbs olundu

O, korrupsiyada ittiham olunub.

Ölkə.Az "İnterfaks" agentliyinə istinadən xəbər verir ki, Ukraynanın hüquq-mühafizə orqanları əməkdaşları ölkənin Fövqəladə hallar naziri Sergey Boçkovskiyi Nazirlər kabinetinin iclası zamanı həbs ediblər.

Bildirilir ki, Ukrayna hökuməti Boçkovskiyi, onun birinci müavini Stoyetski və sahə rəhbərlərini işdən azad edib. Daxili işlər nazirliyinin yaydığı məlumata görə, FHN-də istefaların həyata keçirilməsinə səbəb Rada deputatlarının sözügedən nazirlikdə korrupsiya sxemlərinin olması barədə göndərdikləri sorğular olub.

Ukraynanın Fövqəladə hallar nazirliyi 2012-ci ildə yaradılıb və onun 75 minə yaxın əməkdaşı var.

Ukraynanın "112" kanalı Boçkovskiyin saxlanılma görüntülərini efirdə canlı yayımlayıb.

Rəşid Mustafazadə

Ölkə.Az