Ərdoğanın partiyasının qərargahına hücum edildi

İki nəfər şəxs qərargaha hücum edib.

Ölkə.Az "Hürriyət" qəzetinə istinadən xəbər verir ki, Türkiyədə iki nəfər silahlı şəxs hakim Ədalət və inkişaf Partiyasının (AKP) qərargahına daxil olub.

Bildirilir ki, AKP-nin Qartal rayonunda yerləşən partiyanın yerləşdiyi 7 mərtəbəli binanın şüşələri sındırılıb və qarşısındakı yol polislər tərəfindən bağlanılıb. Silahlı şəxslər qərargaha daxil olduqdan sonra binadan silah səsləri eşidilib.

Diqqətçəkən məqamlardan biri daxil olanların pəncərənin qarşısına üzərində qılınc təsviri olan Türkiyənin dövlət bayrağının asılmasıdır.

Qartal rayonuna çevik polis qüvvələri və təcili yardım xidməti cəlb edilib.

Hücum edənlərdən biri mütəmadi olaraq pəncərədən ətrafdakılara müraciət edir.

DHA-ya istinadən hadisə yerindən canlı yayımı təqdim edir:

Rəşid Mustafazadə

Ölkə.Az