ABŞ Gürcüstanda koronavirus genini öyrənən laboratoriya yaradıb
Hazırda Gürcüstanda fəaliyyət göstərən ABŞ senatoru Riçard Luqar adına laboratoriya koronavirus genini öyrənməklə məşğuldur.
“Ölkə.Az” gürcü mediasına istinadən xəbər verir ki, bu barədə Gürcüstan Səhiyyə naziri Yekaterinə Tikaradze bəyan edib.
Bu gün Gürcüstan Baş naziri Georgiy Qaxariya və hökumət üzvləti həmin laboratoriyada olaraq, fəaliyyəti ilə yaxından tanış olublar. Adıçəkilən laboratoriyanın və orada çalışan mütəxəssislərin koronavirusla bağlı töhfəsi xüsusi qeyd edilib.
Nazir mərkəzin gen ştammının araşdırması ilə məşğul olmasını çox mühüm hadisə adlandırıb. Burada əldə olunacaq nəticələr digər ölkələrin tədqiqatları ilə müqayisə ediləcək.
Gürcüstan Baş naziri laboratoriyanı yaratdığı üşün ABŞ-a minnətdarlığını bildirib.
Laboratoriya hazırda gündə 4 min, payızdan isə 10 min tes etməyə imkan yaradacaq.
Ölkə.Az
