"Həmas" İsrailin bu hərəkətini qınadı

"Həmas" İsrail əsgərlərinin Qərbi Şəriədə fələstinliləri nəzarətə almasını qınayıb.

Ölkə.Az "Anadolu" agentliyinə istinadən xəbər verir ki, Fələstin İslami Müqavimət Hərəkatı ("Həmas") İsrail əsgərlərinin Qərbi Şəriədə aralarında jurnalist və alimlərin də olduğu bəzi fələstinliləri nəzarətə almasını kəskin tənqid edib.

"Həmas"dan verilən açıqlamada İsrail əsgərlərinin Qərbi Şəriədə "Həmas" mənsublarına qarşı etdiyi hücumlar qınaq obyektinə çevrilib.

Bu kimi nəzarət əməliyyatlarının fələstinlilərin müqavimətə yönəlməsindən başqa işə yaramayacağı ifadə edilib.

Bu səhər, İsrail əsgərləri Qərbi Şəriədə aralarında "Həmas" nümayəndələri, jurnalist və alimlərin də olduğu 32 fələstinlini nəzarətə almışdı.

İsrail qüvvələri Qərbi Şəriənin müxtəlif şəhərləri ilə Şərqi Qüdsdə tez-tez basqınlar təşkil edərək, ayrı-ayrı iddialarla fələstinliləri nəzarətə alır.

Fələstin Əsirlər Nazirliyinin məlumatına görə, İsrail həbsxanalarında 7 mindən çox fələstinli məhbus var.

Rəşid Mustafazadə

Ölkə.Az