Səddam Hüseynin sağ qolu öldürüldü

Səddamın sağ qolu olan İzzət İbrahim əl-Duri öldürülüb.

Ölkə.Az xəbər verir ki, İraqın keçmiş prezidenti Səddam Hüseynin köməkçisi, sabiq vitse-prezident İzzet İbrahim əl-Durinin öldürüldüyü iddia edilib.

İraqın Səlahaddin vilayətinin valisi Raid əl-Bazar Səddam Hüseynin köməkçisi İzzet İbrahim əl-Durinin Tikrit şəhərinin şərqində "Həşd-Şabi" ordusunun İŞİD-ə qarşı həyata keçirdiyi əməliyyatlar nəticəsində Səlahəddin vilayətinin Həmrin rayonunda öldürüldüyü deyilib.

Əl-Durinin cəsədinə aid olduğu bildirilən fotoşəkillər mediada yayımlanıb.

Xatırladaq ki, Əl-Duri 1974-1979-cu illərdə İraqın daxili işlər naziri, 1979-2003-cü illərdə İnqilab Şurası Komandanlığının müavini, 1991-2003-cü illərdə isə BƏƏS partiyasının katibi vəzifələrində çalışıb. 2003-cü ildə Səddam Hüseynin devrilməsindən sonra əl-Duri gizlənib və İraqın Səddam Hüseyn dövründə fəaliyyət göstərən məmurların ABŞ tərəfindən axtarışı siyahısında 6-cı yerdə olub.Onun başına 10 milyon ABŞ dolları mükafat qoyulmuşdu.

Search Bigger