Ruhani: İran ordusu regionda sülhün qarantıdır

Prezident hərbi paradda çıxış edib.

İran nüvə enerjisinin inkişafı məsələsində beynəlxalq öhdəlikləri yerinə yetirəcək və nüvə proqramı ilə bağlı yekun razılığın əldə olunması üçün danışıqları davam etdirəcək.

Bunu İran İslam Respublikasının prezidenti Həsən Ruhani şənbə günü Tehranda Milli ordu gününə həsr olunmuş hərbi paradda çıxışında deyib.

“Bizim silahlı qüvvələrimiz regionda sülhün saxlanılması və möhkəmləndirilməsinin qarantıdır. Ölkənin silahlı qüvvələri regionda ən böyük qüvvədir, lakin onların məqsədi silahsız əhaliyə qarşı təcavüz deyil, təhlükəsizliyi qorumaqdır. Bu mənada silahlı qüvvələrimiz digər dövlətlər üçün nümunədir”, - Ruhani deyib./Oxu.az/

Ölkə.Az