Yunanlar türklərə hücum etdi

Yunanıstanda Türkiyənin Selanik Baş Konsulluğunun binası önündə insident baş verib.

Yunanlar binanın qarşısındakı polis avtobusuna molotof kokteyli ilə hücum ediblər. Yunanıstan polisinin müdaxilə etməkdə çətinlik çəkdiyi hadisə zamanı Atatürkün evinin də olduğu konsulluq binasına çox sayda molotof kokteyli tuş gəlib. 

Selanikdə dünən gecə saatlarında baş verən hadisə zamanı böyük təhlükə sovuşub. Etirazçılar həbsxanaların bağlanılmasını və həbsxanalarda aclıq aksiyası təşkil edən məhkumların azad edilməsini tələb ediblər. 

İqtidar əleyhdarları şəhər mərkəzində təşkil etdikləri nümayiş zamanı konsulluq binasının divarlarına zərər vurublar. Molotof kokteyllərindən biri yoldan keçən qadının üzərinə düşüb. Yanma təhlükəsi ilə üzləşən qadına vətəndaşlar yardım ediblər. Alov alan polis maşını isə qısa zamanda söndürülüb. 

Qeyd edək ki, bu cür hadisələr birinci dəfə deyil. Selanik Baş Konsulluğunun qarşısında artıq 9-cu dəfədir ki, belə hadisə baş verib. 

Ölkə.Az