Jirinovskiy "erməni soyqırımı"na qarşı çıxdı: "Qardaş dövlətlər və xalqlar olmur"

Jirinovskiy qondarma "erməni soyqırımı"nı inkar etdi.

Ölkə.Az xəbər verir ki, Rusiya Federasiyası Dövlət dumasının bugünkü iclasında Liberal Demokrat Partiyasının sədri, deputat Vladimir Jirinovskiy "erməni soyqırımı"nın 100 illiyi ilə bağlı bir neçə deputat tərəfindən təklif olunmuş xüsusi bəyanatı sərt şəkildə tənqid edib.

"Bu bəyanat nəyə həsr olunur? Kimsə başsağlığından danışır. Lakin başsağlığını fiziki şəxsin ölümü ilə əlaqədar vermək olar. Öz başsağlığınızı dəfn mərasiminə gedib, verərsiniz. Burada isə söhbət 100 il əvvəl baş verənlərdən gedir və siz bu halda başsağlığından danışa bilməzsiniz.

Bəlkə həmrəylik və təsəllidən danışmaq olar. Biz yüz il əvvəlkilərlə bağlı bütün hislərimizi ifadə etmişik. Qardaş Ermənistan barədə yazmaq üçün əsas görmürəm, çünki qardaş dövlətlər və xalqlar olmur. Ukrayna nümunəsində biz bunu görürük. Ruslar Ukraynada və ruslar Rusiyada, onlar təkcə qardaş olmadılar, əksinə, düşmənə çevrildilər.

1991-ci ildə ruslar ən çox Ermənistandan qovuldu. Bu gün ora monomillətli respublikadır. Hər yedə ruslar və digər xalqların nümayəndələri var, ancaq Ermənistanda yox. Ona görə də qardaş Ermənistdan barədə yazmaq lazım deyil. Bəli, yaxşı ölkədir, amma bəyanatın mətninə daha quru məna salınmalıdır.

Mən Ermənistan üçün qonşular tərəfindən təhlükələrin olmayacağı halda onlarla yaxşı münasibətlərimizin olacağına əmin deyiləm. Ermənistanı Finlandiya tərəf köçürün və orada sərt anti-rus ab-havası hökm sürəcək. Məsələ coğrafiyadadir, kimin kiminlə qardaş olmasında yox.

Leksikanı məyusluqların olmaması istiqamətində saxlamaq lazımdır. Biz, əlbəttə, bu bəyanatı dəstəkləyəcəyik, ancaq hər kəs bu barədə öz fikrini ifadə etmək hüququna malikdir", - deyə Jirinovskiy tribunanı tərk edərək bəyan edib.

Rəşid Mustafazadə

Ölkə.Az