\"Rusiya əvvəlcə soyqırım, repressiya və etnik təmizləmə faktları ilə dolu olan tarixinə nəzər salmalıdır\"

Yalçın Akdoğan: "Putin Suriyada ölən yüz minlərlə insanın taleyinə niyə biganədir?"

Türkiyənin hakim dairələrindən Putinin ünvanına tənqid yağmaqdadır.

Bu gün Türkiyə hökumətinin nümayəndələrinin Putinə verdikləri cavab artıq Rusiya mətbatında da öz əksini tapıb.

Ölkə.az Rusiya KİV-lərinə istinadən xəbər verir ki, Putinin İrəvandeakı çıxışı Ankaranın qəzəbəni səbəb olub. Baş nazir Əhməd Davudoğlu öz bəyanatında bildirib ki, Türkiyə istənilən hər bir dövlətlə tarixi hadisələri müzakirə etməyə hazırdır.

"Biz bütün opponentlərimizin gözünə dik baxmağa hazırıq. İstənilən bir dövlətin tarixinə nəzər salsaq, orada qaranlıq və müzakirə olunmalı çox məqamlar tapa bilərik. Bu gün Türkiyənin əleyhinə belə haqsız bəyanatlar verən ölkələrə qarşı da tədbirlər görüləcək", deyə Davudoğlu bildirib.

Putinin bəyanatına sərt reaksiya verən Türkiyə rəsmilərindən biri də baş nazirin müavini Yalçın Akdoğan olub. Yalçın Akdoğan Putinə yardım etdiyi Əsəd rejimini və Suriyada ölən yüz minlərlə insanı misal gətirib.

"Rusiya öz keçmişinə nəzərə salsa, daha yaxşı olar. Kütləvi qətllər, soyqırım, etnik təmizləmə kimi böyük cinayətlərlə dolu olan Rusiya tarixini yada salsalar daha yaxşı olar. Suriyada yüz minlərlə insan qətlə yetirilib. Putin bu faktdan danışsa yaxşı olar", deyə Yalçın Akdoğan vurğulayıb.

Ölkə.az