Gürcüstan parlamentində yeni hökuməti təsdiqləmək üçün səsvermə keçiriləcək

Bu həftənin sonuna qədər Gürcüstan parlamentində yeni hökumətin tərkibinin təsdiqlənməsi üçün etimad səsverməsi keçirilə bilər.

Ölkə.Az-ın Apa-ya istinadən verdiyi məlumata görə, bunu parlament çoxluğunun lideri David Saqanelidze deyib. “Baş nazir nazirlərin adlarını müəyyən etdikdən sonra Nazirlər Kabinetinin yeni tərkibi prezidentə veriləcək. Mümkündür ki, prezident sabah siyahını bizə göndərsin. Parlament komitələri iki gün ərzində bu məsələni müzakirə edəcək. Hökumətin şənbə və ya bazar günü təsdiqlənməsi mümkündür”, – deyə o, söyləyib. Parlamentin sədr müavini Zviad Dzidziquri isə hökumətin etimad alması üçün hər hansı problemin olmadığını söyləyib.

Ölkə.Az